Ndjenja e veçantisë etnike, e fshehur në
ndërgjegjen tonë, u përcjell nëpër gjenerata dhe ishte e nevojshme
që të manifestohej publikisht sepse këtë e kërkonte nevoja e të jetuarit me
dinjitet. Popuj dhe grupe të caktuara janë identifikuar në bazë të personaliteteve
të njohura të cilët kanë lenë gjurmë me veprat e tyre gjatë periudhës së të
jetuarit. Intelektualet të cilët arritën të akumulojnë dituri gjatë shkollimit
dhe karrierës së tyre, e që bënë mund të madh për të gënjyer veten e
tyre për identifikim me një grup etnik që realisht nuk i
takojnë, nuk arritën të fitojnë epitetin e personalitetit.
Ata të cilët nuk
e peshuan karrierën dhe përparësitë e ofruara në periudhën e të jetuarit ,me
dëshirën e madhe te tyre për dinjitet të grupit që i takon, ata lanë gjurmë në
periudhën e jetës së tyre dhe fituan epitetin e personalitetit. Njeri prej tyre
që la gjurmë në jetën e tij për të zgjuar vetëdijen kombëtare është padyshim
Nazmi Arifi nga Ohri i Maqedonisë.
Në prag të 24 Qershorit
"Ditës së Egjiptianëve të Ballkanit", është e nevojshme që të dimë më
shumë për këtë personalitet për shkak se 24 Qershori është "vepër" e
Nazmi Arifit. Personaliteti i Nazmi Arifit i nxori në dritë dëshirën dhe
vullnetin e tij për dinjitet të popullit të tij. Ai ishte i prirë nga e drejta
e popullit për të deklaruar përkatësinë e tyre etnike që ishte mohu në
regjistrimet e popullsisë. Nazmi Arifi arriti që me 24 Qershor 1990 të themeloj
Shoqatën e Egjiptianëve në shtetin e Jugosllavisë, atëherë kur vetëm sa u lejua
krijimi i asociacioneve dhe organizatave politike, por që nuk ishin veprime
aspak të pa rrezikshme nga regjimi i asaj kohe. Nga rrënjët e 24 Qershorit kanë
buruar të gjitha lëvizjet dhe organizatat e popullit tonë në
Ballkan, e që pas vitit 1999 në Kosovë me dy identitete: egjiptian
dhe ashkali.
Në prag të 24 Qershorit
po e sjellim një biografi të shkurtër të personalitetit të popullit tonë Nazmi
Arifi
Nazmi Arifi është
lindur në Strugë, Maqedoni, me 17.02.1939. E ka mbaruar shkollën e mesme
elektro-makiniste në Shkup me 1961. Ka qenë aktiv në punën e shumë
organizatave shoqëroro-politike, anëtar i Kryesisë së Unionit të vëzhguesve
(skauteve) të Maqedonisë dhe RSF të Jugosllavisë; anëtar i
Kryesisë së Maqedonisë dhe te Jugosllavisë. Ne vitin 1982 është
shpërblyer me medalje për Merita të Popullit, nga Kryesia e RSF te Jugosllavisë.
Është themelues dhe
kryetari i parë i Shoqatës së Egjiptianëve të Jugosllavisë në vitin 1990.
Me 20 nëntor 1990 i ndodhi aksident i rendë dhe mbetet invalid në gjendje të rendë.
Ne vitin 1996 është recensor i librit të parë shkencor për Egjiptianët e Ballkanit “Përmbledhja e punimeve për etnogjenezën e Egjiptianëve në Maqedoni”. Me datën 27.09.1998 është proklamuar si anëtar nderi i Unionit Ballkano- Egjiptian.
Vdiq në Ohër me 05.11.2006.